Лондон мегаполисінде аса ірі құрылыс жобасына атсалысып жүрген Лина Бегім есімді 22 жастағы британиялық мұсылман әйел шариғат талаптарына сай келетін, әйелдерге арналған арнайы киім (спецодежда) тікті. Лина Бегім аталмыш жоба бойынша аса ірі канализация коллекторында жұмыс істейтін жұмысшылардың қауіпсіздігіне жауап беретіндіктен мұсылман әйелдер үшін осындай киім ойлап тапты. Оның бастамасымен тігілген арнайы киім шариғат талаптарына сай келеді әрі қауіпсіздік талаптарына да жауап береді: жарықты шағылыстыратын элемент те қарастырылған. Оның бұл жаңалығын аталмыш жоба директорларының бірі Нил Хэнкокс жоғары бағалады.