Микропластик созылмалы ауруларға ұрындырады

Ғалымдар америкалық кардиолог колледжінің жыл сайын өтетін жиынында микропластиктің денсаулыққа тигізер әсеріне қатысты жаңа деректерді келтірді. Бұл жайында islam.kz порталы American College of Cardiology ақпарат көзіне сілтеме жасай отырып мәлім етеді. Ауа, су, ас арқылы организмге енетін микропластик пен қан қысымы, сусамыр және инсульт секілді созылмалы аурулар арасында байланыс болатыны айтылды. Көлемі 1 нанометрден 5 миллимтерге дейін аралықтан аспайтын микропластиктің денсаулыққа теріс әсері туралы ақпарат бұрыннан бар. Алайда, оның нақты қатері туралы айғақ жоқ. Соған қарамастан организмде жиналған микропластик улы заттар бөліп адамның денсаулығына зиянын тигізе алады. Ғалымдар бұл тарапта 2015-2019 жылдар аралығында АҚШ жағалауында орын тепкен аудандардың микропластикпен ластану деңгейі туралы деректерді талдады. Олар төменгі шөгінділердегі микропластикпен ластану деңгейін төменнен (шаршы метрге 200 бөлшектерге дейін) өте жоғарыға (шаршы метрге 40 мыңнан астам бөлшектер) жіктейтін ұлттық экологиялық ақпараттық орталықтардың мәліметтер базасынан алынған ақпаратты пайдаланды. Бұл деректер АҚШ-тың ауруларды бақылау және алдын алу орталықтарының 2019 жылғы медициналық статистикасымен салыстырылды, соның ішінде 555 ауданындағы гипертония, қант диабеті, инсульт, онкологиялық аурулар көрсеткіштері бар. Содан кейін зерттеушілер созылмалы аурулардың таралуы үшін қандай факторлардың неғұрлым маңызды екенін анықтауды мақсат етіп, машиналық оқыту моделін қолданды. Алынған нәтижелер қоршаған ортадағы микропластик деңгейі гипертония, қант диабеті және инсульт қаупінің жоғарылығымен байланысты екенін көрсетті. Алайда, қатерлі ісікпен мұндай айқын корреляция табылмады. Сондай-ақ, зерттеу барысында мынадай факт анықталды: берілген аумақта микропластиктің шоғырлану деңгейі неғұрлым жоғары болса, созылмалы дертке шалдыққан науқастардың қарасы соғұрлым көп болған.

Ұқсас материалдар:

Микропластик ең көп жиналатын ағза аталды

Микропластиктің қан тамырын бітейтіні анықталды

Микропластик жүрек-қан тамыр ауруларының негізгі себебіне айналуы мүмкін

Антибиотиктерді ПЭТ құтысындағы сумен ішудің қандай қауіп төндіретіні анықталды

Суды микропластиктен магнитті нанобөлшектермен тазартудың жолы табылды

Микропластик ұрық сапасын төмендететін болып шықты

Микрропластиктің инусльтқа ұрындыратыны анықталды

Микропластик алдымен ішекке түсіп, өзге ағзаларға тарайтыны белгілі болды

Ғалымдар пластикалық шөлмектегі судың денсаулыққа қаншалықты қауіпті екенін анықтады

Нанопластиктің ішек микробиомына қалай әсер ететіні белгілі болды

Алғаш рет микропластиктің қауіпті ауруға шалдықтыратыны анықталды