Ресей Федерациясы аумағындағы қыс мезгілінің жылы болуынан масалар жаппай қырылуы мүмкін. Бұл жайында Ресей ғылым академиясының су проблемалары институтының директоры Виктор Данилов-Данильян"Известия» мерзімді басылымына берген сұхбатында мәлім етті. Ғалымның айтуынша, күннің жылынуынан аталмыш жәндіктер ұйқысынан ерте оянғанымен аштан өледі. Азық тізбегі бұзылады. Масалар личинкасы шабақтар мен бақашабақтардың қорегі болғандықтан балықтар үйірі де кемитін болады. Жаһандық жылынудан өзендер кеш қатады, мұзы ерте ериді. Бұл процесс өз кезегінде бір-бірімен байланысты барлық тіршілік иелеріне қауіп төндіреді.