Үндістанның Ражастхан штатына қарасты Сирохи қаласында мұсылманды қорлаған үнді радикалының оғаш әрекеті тек мұсылмандардың ғана емес, сонымен қатар, өзге наным-сенім өкілдерін де бей-жай қалдырмады. Винай Кумар Мина есімді 22 жастағы жергілікті индус Мұхаммед Сәлім есімді алақан жайып, қайыр сұраған жарлы мұсылманды елдің көзінше қорлап қана қоймай, онысын таспаға тартып алып, YouTube-ге жүктеген екен. Әлеуметтік желі қолданушылары да үнді радикалының бұл әрекетіне наразылық білдіріп жатыр. Үнді радикалы автокөлігінің терезесіне күштеп тартып, Рама құдайын «джай шри Рам» деп мадақтауды талап етеді мұсылманнан. Үнді радикалы көп ұзамай тұтқындалды.