Түркияда әскерилер мен инженерлер бетон бункерді жоюға арналған отандық қанатты зымыраны тұңғыш рет сынақтан өткізді. Бұл жайында аталған елдің өнеркәсіп және технология министрі Мұстафа Баранк мәлімдеді. Бұл арада SOM-B2 деп аталатын қанатты зымыран турасында сөз болып отыр. Аталмыш зымыранды TUBITAK SAGE компаниясының мамандары Түркия қорғаныс басқармасының жетекшілігімен және қолдауымен жасап шығарды. Айта кету керек, . салмағы 230 келі тартатын SOM-B2 зымыраны түріктің қарулы күштерінде стационарлық әрі су және жер бетіндегі жау нысандарын 200 шақырым қашықтықтан жоюға арналған SOM қанатты зымыранының жетілдірілген түрі десе болады.