Ресейде ерлер мен әйелдер деп, жыныстық ерекшелігіне қарай бөлуге тыйым салынбайтынын мәлімдеді Мәскеу патриархатының сыртқы шіркеулермен байланыс бөлімінің жетекшісі, митрополит Иларион. Сенбі күні, яғни, маусым айының 27-і күні  "Россия 24" телеарнасына берген сұхбатында Ресей қоғамында қалыптасқан дәстүрлі отбасы құндылығы сақталатынына сенім білдіре келе трансгендер мен өзге де дәстүрлі емес төсек қатынасындағылардың қуғын-сүргінге ұшырамайтынын, сонымен бірге, батыстағыдай мұндай азғындықтың насихатталуына жол берілмейтінін жеткізді. Священник осылай дей келе мұндай арсыздықтың имансыздықтан орын алатынын тағы бір мәрте ишара етіп, классик Ф.М. Достаевскидің сөзімен тұжырды: «Егер құдай жоқ болса, онда ойыңа келгенін істеуге болады».