Естеріңізде болса, жуырда Сауд Арабиясында королдің жарлығымен әйелдердің көлік жүргізуіне рұқсат берілгенін хабарлаған болатынбыз. Осы аз уақыттың ішінде көлік тізгінін ұстаған әйел адамдардан тұңғыш рет көлік апатына ұшырап қаза болған адам бар. Бұл жайында Gulf News басылымы хабар таратты. Көлік апатынан Саудияда тұңғыш қаза тапқан әйел адам Жидда қаласында автокөлік жүргізуді үйреніп жүрген. Жанында қалай жүргізу керектігін үйретіп, кеңес беріп отырған күйеуі болған екен. Әйел көлік тізгініне ие бола алмай бетон дуалға барып соғылған. Әйел тіл қатпай кеткен, ал жолдасы жарақат алып, емханаға жөнелтілді. Автокөлік күйеуіне тиесілі екен.