Біріккен араб әмірлігінің билігі жасы алпысқа толғандар мен алпыстан асқан қарт адамдарды қорғауға арналған заң жобасын қабылдады. Ендігі жерде аталған заң талаптарына орай қарттар құқығының сақталуын қадағалайтын арнайы сарапшылар тобы құрылады. Қарттарға құрмет көрсетпегендерге айыппұл салынады немесе абақтыға жабылады. Сондай-ақ, қарттарға қараған туған-туыстарына жеңілдіктер мен қаржылай қолдау көрсетіледі. Бұдан бөлек, қарттардың шағымын тіркейтін телефон желісі іске қосылады. Бүгінгі таңда аталған ел аумағында жасы алпыстан асқан 25 мыңға тарта қарт адам өмір сүріп жатыр.