Қызық болғанда, атеистік қоғамның шекпенінен шыққан бұрынғы КСРО құрамындағы мұсылман елдерінде емес, патриархалдық тәртіп үстемдік еткен, консервативтік араб елдерінде, дәлірегі, Біріккен Араб Әмірліктерінде мұсылман әйелдердің қарасы көп болып шықты ер-азаматтарға тән кәсіпте, яғни, полиция қатарында жұмыс істейтін. Нақтырақ айтқанда, аталған ел аумағында 15 мыңдай әйел полицияда жұмыс істейді. Араб әйелдерінің қоғам тыныштығын сақтауға, тәртібін қадағалауға жұмылауын, былайша айтқанда, ер-азаматтарға қол болатын мазасыз қызмет түрін неліктен таңдап отырғанын сарапшылардың өздері түсіндіріп бере алмай отыр.