Палестинаның жүгін Венесуэлла да арқаламақ
Палестинаның жүгін Венесуэлла да арқаламақ
10 жыл бұрын 3118

Венесуэлла Газа секторын аяққа тұрғызу үшін барын салатындарын мәлімдеп отыр. Сыртқы істер министрі Элиас Хауаның хабарлауынша, жақында Палестинаға Венесуэлладан 16 тоннадай гуманитарлық көмек жіберілмек. «Әзірге 6 тоннадай медициналық-хирургиялық материалдар, ұзақ мерзімге дейін сақталатын азық-түлік, сондай-ақ көрпе-жастықтар жиналды. Бұлардың барлығы жақын арада Палестинаға жөнелтіледі», – дейді ол. Министрдің айтуынша, қалған 10 тонна жылуды халық пен құзырлы органдардағы қызметкерлер жинап бермек.

Тағы бір жаңалық – Венесуэлла билігі Палестинаға жыл сайын жөнелтілетін мұнай өнімін тағы да 240 мың баррельге дейін арттыруды көздеп отыр. Сонда бір жылда жөнелтілетін мұнай өнімінің жалпы көлемі 1 миллион баррель жетпек.

«Біз Газаның аяқтанып кетуіне қолдан келген барлық жағдайды жасамақпыз. Сионистік қанішерлердің халықаралық гуманитарлық құқықты бұза отырып, тас-талқан қылған мектеп, аурухана, басқа да халыққа қызмет көрсету секторларын қалпына келтіру үшін барымызды саламыз», – дейді сыртқы істер министрі. 

0 пікір
Мұрағат