Ашық алаңда ашулы бұқамен өнер көрсететін танымал испандық матадор Франсиско Ордонестің қылығы көпшіліктің сынына ұшырады. Ол қызыл көрсе қаны қызатын бұқамен жаттығуға өзінің бес айлық қызын алып шыққан және мұны суретке түсіріп, әлеуметтік желіде таратқан. Осыдан кейін көпшілік оны жауапсыздық танытты деп айыптады. Тіпті, іске Испания Денсаулық сақтау министрі мен Балалар құқығын қорғау ұйымы араласып, бүлдіршіннің өміріне қауіп төндіргені үшін қылмыстық жауапқа тартуға шақырды. Алайда, атышулы матадор қызына ешқандай қауіп төнбегенін және істің атадан балаға жалғасқан дәстүр екенін айтып ақталды.