2026 жылдың желтоқсан айынан бастап, Уэльсте (Ұлыбритания) дымқыл сулықты өндіруге, таратуға, пайдалануға толық тыйым салынады. Қоршаған ортаға зиян келтіретін, құрамында пластик кездесетін мұндай дымқыл сулықты жеткізу заң бұзумен бірдей әрекет ретінде бағаланады. Бұл жайында islam.kz порталы BBC (Би-би-си) ақпарат агенттігіне сілтеме жасай отырып мәлім етеді. Десе де аталмыш ереже талаптары медициналық мақсатта немесе емдеу процедураларында пайдаланылатын, құрамында пластик кездесетін медсанаттағы дымқыл сулықтарға жүрмейді. Мұндай дымқыл сулықтар арық пен канализацияны бітеп тастайды.