Әлеуметтік желіде тарап кеткен израилдік вандалдардың жаулап алынған Палестина жеріндегі сахабалар жерленген мазарды қиратып жатқа сәті бейнеленген видео исі мұсылманның ашу-ызасын тудыруда. Нақтырақ айтқанда, бұл арада Ақса мешіті маңында орын тепкен Баб әл-Рахм мазары жайында сөз болып отыр. Мұндағы ең көне зират шамамен VII ғасырға тиесілі. Осы мазарда екі сахаба жерленген: Убад ибн ас-Самит және Шадад ибн Аус. Израилдік табиғат және саябақтар басқармасының қызметкерлерінің сом балғамен және өзге құрал-сайманмен ежелгі мазарды қиратып жатқан сәті таспаға тартылып, әлеуметтік желіде жарияланған. Көп ұзамай бұл арада Ұлттық саябақ құрылысы жүрмек.