Әлемдік халал индустриясының айналымы 2 триллион доллардан асты және бұл көрсеткіш өсе түсуде. Бұл жайында ғаламдық ислами экономика жөніндегі баяндамада айтылған. «Халал индустриясының даму келешегі орасан. Аталмыш баяндамада келтірілген дерекке үңілсек, 2019 жылы бұл саладағы сауда айналымы кем дегенде 3,7 триллион долларға дейін жетуі мүмкін»,- деді Малайзияның халықаралық сауда және өнеркәсіп министрі Мұстафа Мұхаммед. Өткен жылы, яғни, 2015 жылы аталған елдің, яғни, Малайзияның шариғат талаптарына сай әзірленген өнімдерді экспорттаудан түсірген табысы 10 миллиард долларға жеткен. Халал өнімдерді өндірумен айналысатын өндіріс 250 мың жаңа жұмыс орны ашуға мүмкіндік берген.