Еуропа Одағына мүше ел басшылары кәрі құрлыққа Жерорта теңізі арқылы ағылған босқындарды қабылдамауға уағдаласты. Мальта астанасы - Валетте қаласында ЕО елдері басшылары бас қосып, осындай ортақ келісімге келді. "Көші-қон саясатының тұрақтылығын қамтамасыз ететін негізгі тетік -  шекарамызды тиімді жолмен бақылау әрі ЕО-ға ағылған заңсыз босқындарды тоқтату",- деп айтылған мағлұмдамада. Аталған құжатта айтылғандай, 2016 жылы Жерорта теңізі арқылы Еуропаға келген босқындар қарасы едәуір азайған, десе де, сөз болған дәліз арқылы кәрі құрлыққа өткен жылы 181 мыңнан аса адам өтіп кеткен. Осыған байланысты ЕО басшылары Жерорта теңізі арқылы келетін босқындардың жолын кесетін қосымша шараларды қолға алып жатыр.