АҚШ-тың Ауғанстандағы дағдарысты шешуге жұмсаған күш-жігерінің көбісі зая кеткенін ашық мойындады. Яғни, ауған жеріндегі АҚШ миссиясы еш нәтиже бермеген. Бұл жайында Ауғанстанды қалпына келтіру жөніндегі арнайы инспектор Джон Сопконың есебінде айтылған. Оның мәліметінше, 2002-2017 жылдар аралығында АҚШ билігі Ауғанстан үшін 5 млрд-тан аса доллар жұмсағанымен бұл орасан қаржы өз-өзін ақтамаған. Осылай дей келе Ауғанстанды қалпына келтіру опреацияларының сәтсіздікке ұшырағанын мәлімдеді. Оның айтуынша, АҚШ Ауғанстандағы өз мүмкіндігін асыра бағалап, осындай шығынға батқан.