Ресей Федерациясының министрлер кабинеті мемлекеттік думаның қарауына адамның генетикалық ақпаратына қатысты персоналдық (жеке басының) мәліметтері туралы заң жобасын енгізді. Аталмыш түзету адамның генетикалық ерекшелігін сипаттайтын деректі персоналдық (жеке басының) мәліметтеріне жатқызуды ұйғарады. Соған орай ол қосымша қорғауға алынады. Биоматериал (мысалы, қан) адамның денсаулығынан, өмір сүру салтынан, мінез-құлық ерекшелігінен, дәрі-дәрмекті ағзасының қалай қабылдайтынынан, т.б. хабар беретін генетикалық ақпаратты қамтиды. Аталмыш заң авторлары бұл заңның адамның конституциялық құқығына қайшы келмейтінін алға тартып отыр.