"Түсімде үйімнің бағанасы сыныпты..." деген әйелге Пайғамбарымыздың (с.а.у.) айтқаны
"Түсімде үйімнің бағанасы сыныпты..." деген әйелге Пайғамбарымыздың (с.а.у.) айтқаны
28 күн бұрын 7011

Риуаяттардың бірінде Айша анамыз (Алла одан разы болсын) көрген түсін Пайғамбарымызға (оған Алланың игілігі мен сәлемі болсын) жорытуға келген әйел жайында былай деп әңгімелейді:

«Мединелік бір әйел бар еді. Оның саудамен айналысып жүретін күйеуі бар тұғын (саудалап сапар шегіп жүретін). Сол әйел бір күні Алла елшісіне (с.а.у.) келіп:

- Менің күйеуім - ғайып. Ол мені аяғым ауыр күйінше қалдырып (сапар шегіп) кеткен еді. Содан жақында түс көрдім. Түсімде үйімнің бағанасы сыныпты, ал өзім болса бір көзі соқыр бала дүниеге әкеліппін» - дейді (мәнісін білгісі келіп).

Сонда Алла елшісі (с.а.у.) ол әйелге:

- Жақсылық болғай! Алла қаласа, ерің – аман-сау оралады. Және өзің изгі бала босанасың, - деп жауап айтты.  

Десе де, әйел көрген түсінің мәнін сұрап үш рет келеді.

Бір күні әлгі әйел Алла елшісі (с.а.у.) жоқ кезде тағы келді. Мен одан (қайта-қайта келе беруінің себебін) сұрадым. Ол маған түсін айтып берді. Онысын мен былай деп жорыдым (Айша анамыз ол сәтте Пайғамбарымыздың не деп жорығанын білмеген еді. Айша анамыздың анша-мұнша түстерді жори алатын да қасиеті бар болатын):

- Егер, түсің рас айтып тұрса, күйеуің бақилық болады. Ал өзің содырлы бала туасың, - деп (түстен түсінгенімді) айттым. Әлгі әйел отыра қалып жылады.

Сол мезетте Алла елшісі де (с.а.у.) келіп қалды. (Әлгі әйелдің жылап отырғанын көріп, себебін сұрайды. Себебін білгеннен кейін, Айша анамызға):

- Қой, Айша! Егер бір мұсылманның түсін жоритын болсаңдар, жақсылыққа жорыңдар! Шынында түстер – жорушының жорығанына сай жүзеге асады» - деді» - деп сөзін аяқтайды Айша анамыз[1].

А. Қасым


[1] Дәрими; Асқалани: Фәтхуль Бәри. Хасан хадис.

0 пікір