Тұсаукесер – сәби қаз тұрғаннан кейін тез жүріп кетсін деген тілекпен жасалатын ғұрып, ырым. Ол үшін арнайы ала жіп дайындалады. Бұл ала жіп аттамасын деген ұғымнан шыққан. Сол жіппен баланың аяғын тұсап, оны жүріс-тұрысы ширақ әйелге қидырады. Сүріншек, жайбасар адамдарға баланың тұсауын кестірмейді. Тұсауы кесілген баланы қолынан ұстап жүгіртеді, шашу шашылады. Баланың ата-анасы тұсау кесушіге кәдесін береді. Тұсау кесу тойының негізгі жабдықтары 1,5 м ала жіп, өткір қайшы немесе пышақ. Тұсаукесердің жібін дайындаудың бірнеше түрлері, жолдары, сенімдері де бар. Көбейіп, көгере берсін деп көк шөптен есіп жасайды. Бай болсын деп малдың тоқ ішегінен де өреді. Адал болсын деп ала жіптен де жасайды. Тұсау кесу тойына ауылдың қыз-келіншектері, әжелер шақырылады. Ет асылып, шай қайнатылады. Тойға келгендер шашуға құрт, май, тәтті тағамдар, балаға ойыншық, асық, сылдырмақ, т.б. әкеледі. Бұдан кейін 2 – 3 жасар балаларды жарыстырып, озғандарына бәйге береді. Балаларға өлең, жыр, тақпақ, жаңылтпаш айтқызады. Той тарқарда әжелер тойдан немерелеріне сарқыт деп қалталарына тәтті, бауырсақ, құрт-ірімшік салып алады. Тұсау кескен әйелге көйлек немесе аяқ киім сыйлайды.
Өзекті мақалалар
!["ЖЕР ДОМАЛАҚ..": Ислам ғалымдары жердің домалақтығын Коперниктен 500 жыл бұрын айтқан](https://static.islam.kz/uploads/images/xuj/w3j/ZzMXDmecsykPIBem-sq.jpg)
■
"ЖЕР ДОМАЛАҚ..": Ислам ғалымдары жердің домалақтығын Коперниктен 500 жыл бұрын айтқан
![Фәтима әл-Фихри - тарихта ең алғашқы университет ашқан мұсылман ғалым әйел (ІХ (9) ғасыр).](https://static.islam.kz/uploads/images/FMb/2ry/mHeTvmf2ZZ0srGkk-sq.jpg)
■
Фәтима әл-Фихри - тарихта ең алғашқы университет ашқан мұсылман ғалым әйел (ІХ (9) ғасыр).
![«Зорлық-зомбылық - бір мемлекеттің қирайтындығының жаршысы!..»](https://static.islam.kz/uploads/images/IiJ/v8g/hL20H7WS4tHmTEDf-sq.jpg)
■
«Зорлық-зомбылық - бір мемлекеттің қирайтындығының жаршысы!..»
![САУДА ТАУАРЛАРЫНЫҢ ЗЕКЕТІ](https://static.islam.kz/uploads/images/QMP/hJt/o1wS5ExWIAxlvcdc-sq.jpg)
■
САУДА ТАУАРЛАРЫНЫҢ ЗЕКЕТІ
![Әзіреті Омар және сүт сатушының қызы (ғибрат оқиға)](https://static.islam.kz/uploads/images/iBl/l1V/WYZi0TE0iTiFgNyo-sq.jpg)
■
Әзіреті Омар және сүт сатушының қызы (ғибрат оқиға)