Әлхамдулилләһ. Уассаләту уәссәләму аля Расулилләһ.

Егер бір адамға нақақтан-нақақ қарғыс айтып, жаман тілекте болса, бұл қарғыс айтушыға күнә болады. Өйткені, ешқандай зиян көрмесе де оған қарғыс айтып отыр. Алайда күнәсін жуудың жолы бар. Оның жолы — әлгі қарғыс айтқан адамының артынан жақсы дұғада болу, ол үшін Құдайдан жақсылық тілеп, дұға жасауы керек. Кәффараты– осы. Себебі, жақсылық жамандықты жояды. Бұған қатысты Құран Кәрімде былай делінген:

إِنَّ الْحَسَنَاتِ يُذْهِبْنَ السَّيِّئَاتِ ۚ ذَٰلِكَ ذِكْرَىٰ لِلذَّاكِرِينَ (114)

«Шынында, жақсылықтар жамандықтарды кетіреді. Бұл еске алушыларға бір ескерту»[1].

Ең дұрысы – Аллаға мәлім! Әлхамдулилләһи Раббиль аләмин!