Тасбақаның еті адал ма?
Тасбақаның еті адал ма?
17 күн бұрын 3417

Ассаләмуғалейкум! Тасбақа адал ма, харам ба? Еділ.  

Уағалейкумуссәләм уә рахматуллаһи уә бәракәтуһ!

Тасбақаның етін жеу – харамға жақын мәкруһ, яғни, адал емес. Мейлі су тасбақасы болсын, мейлі құрлық тасбақасы болсын үкім осы. Имам Тахауи бұл жайында: «ويكره أكل السلحفاة» - деген. Оның мағынасы: «Тасбақаны жеу – мәкруһ (тәхриман)»[1].

Шәфиғи мәзхабында да ең дұрыс тұжырым – тасбақа етінің арам екендігі[2].

Ал, Мәлики мен Ханбали мәзхабтарында оның еті адал. Тек оны да бауыздау керек. Әсіресе, құрлық тасбақасын бауыздамай жеуге болмайды[3].


[1] Имам Тахауи: «Мұхтәсар». «Китабуль Кәроһия»; Бәдруддин әл-Айни: «әл-Биная» - 11 том/586 бет.
[2] Имам ән-Нәуәуи: «Раудатут Толибин».
[3] Адил Абдуль Қадир Хамида: «әл-Атъыймату Филь Ислам». 89 бет.

Абдусамат Қасым