Уағалейкумуссәләм!

Құлан – еті адал хайуан деуге негіз бар. Оның ғылыми атауы «Жабайы азиялық есек» (Asiatic wild ass). Исламда үй есегінің еті арам, ал жабайы есек түріндегі хайуанның еті адал. Пайғамбарымыз (с.а.у.) өзінің хадистерінде "үй есегінің етін харам қылған, ал жабайы есектің етін адал қылды» делінген. Тіпті «жабайы есек» санатындағы хайуанның етінен өзі де жегендігі сахих хадистерде айтылады¹. (Жабайы есекке зебраны да жатқызамыз). Десе де, Құлан жануары бүгінде қызыл кітапқа енген хайуандар қатарында. Сондықтан да, оны аулауға, өлтіруге немесе зиян тигізуге заңмен қатаң тыйым салынады.