Аптап ыстықта желдеткіштерді жаппай пайдаланатын Үндістанда электр желілері жиі істен шығып жатыр, деп хабарлайды «Хабар 24».

Ауруханаларда жағдай тіпті қиындап кеткен. Дәрігерлер операцияны қолда бар шамдардың көмегімен жасауға мәжбүр. Мәселені шешу үшін мемлекеттік ауруханаларда күн батареяларын орната бастады. Осылайша, баламалы қуат көзін пайдаланған мекемелер коммуналдық төлемге жұмсалатын қаржыны да үнемдей бастаған.

Марта Джонс, Райчур қаласындағы аурухананың аға медбикесі - Күн батаряларын орнатпас бұрын қараңғыда жиі жұмыс істейтін едік. Райчур қаласында электр қуатымен іркіліс болып тұрады. Кейде күніне 4-5 сағат жарық болмайтын. Мәселен, босанған кезде әйелге екпе салу үшін қол шамын қолдануға мәжбүр болдық.