Америкалық Burpee селекциялық компаниясы қызанақтың жаңа сортын шығарды. Бұл жеміске тән белгілер: түсі сарғыш тартып тұрады, тура мағынасында дәмі бал татиды. Яғни, құрамында қант деңгейі жоғары келеді. Бұл жайында islam.kz порталы cursorinfo.co.il ақпарат көзіне сілтеме жасай отырып мәлім етеді. «Honeycomb Hybrid» деп аталатын аталмыш сорт 75-80 күнде піседі. Ол кез келген климатқа жерсінеді. Ерекше күтімді қажет етпейді. Бұл қызанақ гибридін черри деп аталатын қызанақ түрінен шығарған. Қызанақтың жаңа сорты туралы бар ақпарат әзірге осындай.