Ұлыбританияда құрамында аспарагины (аспарагин - амин қышқылы; пісірген кезде акриламид деп аталатын канцерогенді затқа айналады) аз бидайды өсіріп көрмек. Бұл жайында islam.kz порталы The Times ақпарат көзіне сілтеме жасай отырып мәлім етеді. Ғалымдар генетикалық түрлендірусіз (ГМО) пайдалы бидай өсіруге бел байлап отыр. Ғалымдар өсімдіктің ДНҚ-сын CRISPR технологиясының көмегімен редакциялау арқылы осындай жетістікке қол жеткізбек. Дәлірегі, барлық мутация табиғи жолмен жүзеге асады. Бұл бағыттағы тәжірибені әлемдегі ең ежелгі ауыл шаруашылық зерттеу институты болып табылатын Хартфордширдегі Rothamsted Research компаниясы жүргізетін болды. Аталмыш тәжірибе 2026 жылға дейін созылмақ.