Ноттингем университетінің ғалымдары тіс эмалін өсіретін гелді әзірледі. Бұл жайында islam.kz порталы Nature Communications (NatCom) мерзімді басылымына сілтеме жасай отырып мәлім етеді. Бірегей технология нәрестелердің алғашқы тістерін қалыптастыру кезінде жұмыс істейтін табиғи тетіктерді көшіретін ерекше ақуыздарды пайдаланады. Бұл молекулалар минералдардың кристалдануын тікелей пациенттің сілекейінен шығарады. Тіс эмалі адам ағзасындағы ең берік тін болып саналады, алайда, оның кемшілігі - онда жасушалар жоқ, сондықтан ол өз бетінше қалпына келе алмайды. Алваро Мата есімді профессор зертханасында биомедициналық инженерия кафедрасында биомиметикалық ақуыздар жасалды. Олар өз бетінше тістегі матрицаға жиналады. Бұл құрылым сілекейден кальций мен фосфат иондарын аулап, оларды эмалы зақымдалған жерлерге жеткізеді. Минералдану процесі қабат-қабатымен жүзеге асады, табиғи тіндердің кристаллографиясын дәл қайталайды. «Біз шынайы эмалді тісте өсіруге болатынын көрсеттік - үстінен минералды қабатты жағып қана қоймай, оның иерархиялық құрылымын қайта жасауға болады», - деп түсіндірді зетрреуге атсалысқан Абшар Хасан. Беріктігін тексеру үшін тістің атқарар қызметтерімен байланысты түрл сынақтан өткізілді: үлгілер шайнау салмағына да, тіс щеткасының әсеріне, қышқылдарға төтеп берген. Кристалдардың қаттылығы мен ретi бойынша жаңа материал табиғи эмалдан кем түспеді. Әзірлеу құрамында фторидтер жоқ және арнайы жабдықты талап етпейді. Оның негізінде технологияны коммерцияландыру үшін Mintech-Bio стартапы құрылды.