Ауыр нейрофиброматоз ауруы Үндістанда тұратын    21 жастағы бойжеткеннің түрін адам көргісіз етті. Тіпті ісік түйіндер  көзі мен мұрнын жауып тастаған, алайда науқас өзін бақытты сезінетінін жасырмады.  

21 жастағы Хадия Хатун ата-аналарымен тұрады, мектепке бармаған. Ол түр-әлпетін бұзып тұратын нейрофиброматоз дертіне шалдыққан. Дәрігерлер еш көмек көрсете алмайтындарын мәлімдеген. Ал бойжеткеннің өзі көзі, мұрны бар екенін де білмейді десе болады, ал ауызы бетінің сол жағынан кішкене тесік болып көрініп тұрады.

 Нейрофиброматоз - күллі денеге қатерсіз ісік болып жайылатын генетикалық өзгерістердің жалпы атауы.   Ісік түйіндер әр түрлі тіндер мен органдарда шоғырланады, әсіресе бет, мойын қатты өзгереді. Бет-әлпетінің ұсқынсыздығына қарамастан, ол өзін бақытты сезінеді.

 «Менің жаратылысым осы. Ол қандай болса, солай қабылдаймын, деді бойжеткен, - қолымнан келгенді ғана жасай аламын. Бұл - менің тағдырым. Мәселе мұны қалай еңсеруде немесе төзуде емес, мен қалыпты өмір сүріп жүрмін».

Ата-аналары алғаш рет қызы екі айлығында көзін  аша алмаған кезде түсініксіз бір жайтты байқаған. Осыдан кейін қыз бала 6 ай ауруханада жатып, тексеруден өткен. Оған нейрофиброматоз диагнозын қойды. Уақыт өте келе ауру өрши түсті, дәрігерлер келешегі жайлы дөп басып  ештеңе айта алмай отыр, деп жазады шетелдік БАҚ.