Саудялық мұсылман қыз бірегей рекорд орнатты. Ол Ұлыбританияның Темза өзенінде 101 миль, яғни, 163 шақырым ұзақтыққа жүзе алған тұңғыш әйел адам. 

Араб елінің тіс дәрігері Мәриям Салех Бинладин өзінің ешкім жасай алмаған ерлігі арқылы әлем назарын сириялық  жетімдердің мүшкіл халіне аударғысы келген.

Мәриям Темза өзенін 101 миль қашықтықта жүзіп өткен үшінші адам, ал әйелдер арасында алғашқылардан. Мұсылман қыз жүзуін  маусымның 3-і күні Оксфорд аймағынан бастап, 12 - маусымда Лондонда аяқтады.

Оны мәре сызығынан отбасы мен бір топ жанкүйерлері күтіп алды. Айта кету керек, Темза жоғары деңгейде ластанған өзендердің бірі, сондықтанда мұнда жүзу қиынның қиыны әрі қауіпті.