Осы заманғы жалғыздық жеке бастың қасіреті ретінде емес, аса қуатты экономикалық қозғаушы күш ретінде алға шығып отыр. Бұл жайында islam.kz порталы The Daily Digest ақпарат көзіне сілтеме жасай отырып мәлім етеді.

Психологтер кейінгі кезде, әсіресе, постиндустриялық кезеңде бастау алған әлеуметтен оқшаулану құбылысын зерттеуге кіріссе, кәсіпкерлер тұтынушының жаңа тобына – өзі бетінше өмір сүруді алдыңғы орынға қоятындарға бағдарланған тұтас индустрияны қалыптастырып жатыр. Жалғыз тұратын адамның отбасылы жандарға қарағанда ресурсты көбірек тұтынатыны анықталды. Ең бастысы, жалғызілікті адамдардың дені ит немесе мысық сияқты жануарларды асырап қана қоймай, олардың тағамынан бастап күтіміне дейін, ветеринарлық шығынына дейін ақша аямайды. Бұдан бөлек, жалғызілікті адам эмоциялық жай-күйі үшін де (көңілін көтеретін адам жалдаудан бастап, күтіміне дейін), яғни, жеке басының жайлы өмірі үшін де ақшаны аямайды.

Жалғызілікті адамдардың әлеуметтік бейнесі де қатты өзгерген: бұрын жалғыздық әлеуметтік сәтсіздіктің белгісі ретінде қабылданса, бүгінде ол еркіндік пен шығармашылықты дамытудың шарты ретінде көрініс табады. Керісінше отбасылы адамға қарағанда жалғызілікті адамдар әлеуметтік тұрғыдан белсенді топқа айналған. Мұндай құбылыс, әсіресе, қалалы жерлерде ерекше белең алып келеді. Халқының саны көп Қытайда “жалғыздық экономикасы” ұғымы орныққан, дәлірегі, жалғыздық түрлі саладан байқалатын бизнеске айналған:

• Психологиялық ерекшеліктер: жалғыз адамдар, тіпті, виртуалды қоғамдастық болса да жайлылық пен эмоциялық әл-ауқат үшін төлеуге дайын.

• Жалғыздық экономикасы: Қытайда 100 миллионнан астам адам жалғыз өмір сүруді қалайды және бұл үрдіс қызмет көрсету нарығы мен тұтыну экономикасына көптеген өзгеріс енгізуде.

• Әлеуметтік желідегі үрдістер: жалғыз адамдар әлеуметтік желілерді қарым-қатынас пен танысу үшін белсенді пайдаланады, бұл да жалғызбасты адамдар санының артуына алып келеді.

• Реттеу: Қытайда некеге тұрған немесе қатынастарды сақтаған жағдайда төлемдерді ұсынатын сақтандыру полистерінің нарығы реттеледі, бұл да жалғыздық трендтерін көрсетеді.

• Электрондық коммерциядағы үрдістер: сарапшылар 11.11 феномені электрондық коммерцияда жаңа дәуірді көрсете отырып, жаһандық сауда революциясына айналғанын атап өтеді.

Бұл аспектілер жалғыздықтың Қытайда бизнеске қалай айналғанын және оның ел өмірі мен экономикасының түрлі аспектілеріне қалай әсер ететінін көрсетеді.

Анағұрлым алдындағысын ойлайтын компаниялар жалғыздық дәуірінен туған жаңа нарықтарды белсенді түрде игеруде. Жайлылық индустриясы жеке қызметтерге - жеке жаттығуларға, SPA-процедураларға, wellness-бағдарламаларға қайта бағдарланып жатыр. Гастрономиялық бизнес жалғыз отырып ішетін кешкі асты қажеттіліктен саналы таңдауға айналдыра отырып, solo-келушілерге арналған арнайы форматтарды ұсынады. Технологиялық компаниялар виртуалды ассистенттер мен бір адамның қажеттіліктеріне мінсіз бейімделген ақылды үйлерді дамытып жатыр.

Тәуелсіздікті жағдайға қарай қарым-қатынас мүмкіндігімен үйлестіруге мүмкіндік беретін formats ұсынатын event-индустрияның өркендеуі ерекше назар аударып отыр: шеберлік дәрістері, тақырыптық кештер, топтық саяхаттар, т.б. Десе де ең көп өсімді психикалық денсаулық саласы көрсетіп отыр - сцифрлы терапевтік қосымшалардан бастап, премиум психологиялық консультацияларға дейін қамтылған.