Күншыығыс елі автотұрақ тапшылығымен күресудің өзгеше әдісін тапты. Бұл жайында islam.kz порталы VnExpress ақпарат көзіне сілтеме жасай отырып мәлім етеді. Жапонияда бұдан былай автокөлік сатып алушылар оны өз атына тіркету үшін алдымен заңды тұрақ орны бар екенін дәлелдеуі тиіс. Автокөлік тұрағы өзі тұратын мекеннен 2 шақырымнан аспайтын қашықтықта орналасуы, барлық көлік құралдары үшін жеткілікті алаңы болуы және қоғамдық жолдарға кірмеуі тиіс. Жапония ұлттық полиция агенттігінің мәліметі бойынша кәдімгі тіркелген автокөліктер Shako Shomeisho деп аталатын көлік тұрағы учаскесіне жауапты полиция учаскесіне өтініш беруі тиіс. Регламент көлік құралдары иелерінің жол жиегін тұрақ ретінде пайдалану әдетін шектеуге бағытталған. Жаңа ережеде автокөлікк тізгіндейтін азаматтардың өз гаражы немесе тұрағы болуы міндетті емес. Олар үй-жайлардағы, тұрғын аудандарда немесе кондоминиумдарда тұрақты жалға ала алады. Тиісті құзырлы органға өтініш берген кезде автокөлік иесі пайдалану құқығын растайтын құжаттарды, мысалы, автотұрақты жалға алу шартын немесе жер иесінің жазбаша келісімін ұсынуы тиіс. Тұрақ орнын жалдау құны - Жапонияда, әсiресе, iрi қалаларда әжептәуір қымбат. Жапон статистикалық бюросының 2025 жылғы бөлшек сауда бағаларына жүргізілген сауалнама деректеріне сәйкес Токионың 23 округінде көше тұрақтарын жалға алу үшін ай сайынғы төлем мөлшері орташа есеппен алғанда 27 287 иенді құрайды. Осакада бұл деңгей 17 500 иен, Йокогамада - 16 633 иен, ал Нагойда - 6 833 иенді құрайды. Автотұраққа қатысты өтініш бергенде немесе келісімшартқа қол қою кезінде көлік иелері қосымша депозиттерді, брокерлік комиссияларды және жалға алуды алдын ала төлеуге тура келуі мүмкін. Жалпы бастапқы құн келісімшарт талаптарына және тұрақтарды басқаруға байланысты белгіленеді. Жалға алудан басқа тұрақтарды сертификаттау үшін тағы төлеуі тиіс. Сертификаттауға өтініш беру үшін тұрғындар өтініш, көлік тұрағының орналасу картасын және аумақты басқаратын полиция учаскесінде пайдалану құқығын растайтын құжаттарды тапсырады. Полиция өтінішті қанағаттандырмас бұрын қағаз жүзіндегі талаптардың нақты шындыққа қаншалықты сәйкес келетінін тексереді. Көлік құралдарының иелері бұл сертификатты жаңа автокөлікті тіркеу кезінде немесе мекенжайы өзгерген кезде қайта тіркеуге жататын көлік құралын пайдалану үшін пайдаланады.