Әлеуметтік желіде кіп-кішкентай ақ қонжықтың суреттері мен видеосын тамашалағандардың қарасы артып келеді. Қонжық 6 қарашада америкалық Огайо штаты Колумбус қаласының зообағында дүниеге келді. Алайда, белгісіз себептермен анасы Аврора бұдан бас тартты. Қонжықты хайуанаттар бағының қызметкерлері бағып келеді. Оған бөтелкемен азық береді, денсаулығын қадағалайды. Қонжықтың дүниеге келгенінен небәрі 5 апта өтті. Ол көзін аша бастады. Дегенмен жүре алмайды, қазіргі уақытта төрт аяғынан тік тұруға тырысып-ақ жатыр. Ал қонжықтың ұйықтап жатқан сәті талай жанның жүрегіне жол тапты, деп хабарлайды "tvzvezda.ru" ақпарат көзі.