Ресей бас мүфтиі, орталық мұсылмандар діни басқармасы басшысы Талғат Тажуиддин Ресей Федерациясында Қарулы күштер қатарына имамдар әзірлеу курсы ашылғанын хабарлады.

«Ресей Федерациясы әскерилерінің белгілі бір бөлігін мұсылмандар құрайды. Олар ислам діні туралы дұрыс ақпараттарға қол жеткізіп, конфессияаралық, ұлтаралық бейбітшілікті сақтағысы келеді. Осы мақсатта 15 дін қызметкері әскерге жіберіледі» деді мүфти. Ол, сондай-ақ, Ресей әскеріндегі имамдар полкі институты Дінаралық кеңестің ел президентіне өтінішінен кейін қалыптаса бастағанын атап өтті.

Ресей мүфтиінің айтуынша, әскери қызметке имамдарды тарту жөнінде Қорғаныс министрімен арнайы келіссөз жүргізілген.