Германияда мигранттарға қарсы қылмыс саны артып отыр. Былтыр босқындар паналаған жерге бір мыңнан астам шабуыл жасалған. Бұл 2014 жылғы көрсеткіштен 5 есе көп. Ресми статистикалық деректерді баспасөз конференциясы барысында елдің ішкі істер министрі мәлімдеді. Оның айтуынша, келімсектерге қарсы қылмыстардың жиілеуі азаматтық қоғамға айтарлықтай қауіп тудырады. Естеріңізге сала кетейік, Германияға былтыр миллионнан астам мигрант қоныстанған. Бұл – Еуропа бойынша ең жоғарғы көрсеткіш. Томас де Мезьер, ГФР ішкі істер министрі: - Статистика жүргізе бастаған уақыттан бері былтырғы сияқты көрсеткіш болған емес. Қылмыс саны 39 мыңға жетті. Мигранттарды өлтіруге 4 рет әрекет жасалған. Мұндай жайтпен алғаш рет кездесіп отырмыз.