Газа секторында 121 палестиналық тұрғын қаза тапты

Израилдіктердің «Мызғымайтын жартас» деп аталатын әскери операциясынан Газа секторында ұзын саны 121 палестиналық тұрғын қаза тауып, 900-ден аса адам жарақат алды. Қаза тапқандар мен жарақат алғандардың арасында әйелдер мен балалар да бар. Сенбі күні 16 палестиналық тұрғын қаза тапты. Израиль билігінің озбырлығына қарсылық білдіру әрі Палестина халқына қолдау көрсету үшін Лондон, Рим, Осло және Париж қалаларында мыңдаған адам шеруге шықты.