Францияның барлық аймағында жыл аяғына дейін экстремистерді әлеуметтік ортаға бейімдеу орталықтары ашылатын болды. Бұл жайында аталған елдің премьер-министрі Манюэль Вальс мәлім етті. «Радикалдармен күрес біздің буынның маңдайына жазылған ең үлкен міндет»,- деп мәлімдеді ол Матиньон сарайында экстремизммен күресу жоспарын ұсынып тұрып. Оның айтуынша, алғашқы орталық осы жаз мезгілінде ашылады. Оған радикализмнен өз еркімен бас тартқан адамның пациент бола алатынын да жеткізді. Артынан мұндай орталықтарға сот шешімімен экстремист деп танылғандар жөнелтілетінін де айтты.