Манчестер полициясы терроризммен күреске қатысты жаттығу кезінде өте өрескел қателік жіберді. Атап айтқанда, Манчестердегі  «Trafford Centre» сауда орталығында содыр болып киініп алған тәртіп сақшысы «Аллаһу акбар!» деп терроризмді исламмен байланыстырып, онсыз да жаңсақ ұғымның жетегіндегі жұртты одан ары шатастырды. Бұл жайында «The Guardian» ақпарат көзі хабар таратты. Бұл жаттығуға ондаған полиция қызметкері мен өз еркімен жүздеген адам қатысты. Бұл жаттығу өз кезегінде Ұлыбритания мұсылмандарының наразылығын тудырды. Қателікке жол бергендерін түсінген жергілікті полиция өкілі Гарри Шувана осы елдегі мұсылман жамағатынан кешірім сұрады.