Омар есімді отанынан жырақта жүрген 16 жастағы сириялық бозбала кәрі құрлықтағы Кале босқындар лагерінде тұрып жатыр. Британиядағы туған-туысқандарын іздеген бозбала BBC телеарнасына соғыс өрті шарпыған елінен бас сауғалап, Еуропа асқан босқындардың басындағы жағдайына ұқсас өзінің де басынан кешкендерін баяндап берген болатын. Бұл роликте оның соғысқа дейінгі Сириядағы мамыражай кезі, соғыс басталғанда көрген қиындықтары, туған-туысқандарынан көз жазып қалғаны және кәрі құрлыққа жету үшін жол-жөнекей қандай қиындықтарға кез болғаны баяндалады. Лагердегі өмірі де оңын тұрмағаны айтылады.