Алғашқы халал ЭКО ондаған баласыз жұпқа бақыт сыйлады
Алғашқы халал ЭКО ондаған баласыз жұпқа бақыт сыйлады
2 ай бұрын 440 Материалды көшіріп басқан жағдайда islam.kz порталына сілтеме берілуі міндетті

Шешенстанда перзент сүйе алмай жүрген ондаған жұп осы көктемде аталған республикада алғаш рет ашылған репродуктивті денсаулық орталығының көмегімен ата-ана атанды. Бұл жайында islam.kz порталы IslamNews ақпарат көзіне сілтеме жасай отырып мәлім етеді. Бұл орталықтың өзге ЭКО оралықтарынан айырмашылығы сонда – оның қызметі толық шариғат талаптарына сай келеді. Мәселен, бұл орталықта жасуша донациясы жоқ. Яғни, өзгенің немесе бөгде адамның ұрығы пайдаланылмайды. Дәлірегі, бұл орталықтың қызметіне заңды жолмен некелескен ерлі-зайыптылар жүгіне алады. Бұдан бөлек, медициналық сақтандыру жүйесіне тіркелгендерге тегін қызмет көрсетіледі. Өткен жылы Шешенстанның 650-ге тарта тұрғыны медициналық сақтандыру жүйесінен осы ЭКО-орталығына жолдама берілген. Ашылғалы бері аталған орталықтың көмегімен экстракорпоралды ұрықтандыру бойынша 30 бағдарлама жүзеге асырылған.

0 пікір
Мұрағат