Шерхан Мұртазаның нақыл сөздері
Шерхан Мұртазаның нақыл сөздері
22 күн бұрын 1625 bilim-all.kz/

1) Сананың деңгейлері. 

«Сананың сәрi кезi, алагеуiм кезi, шапақ кезi, шаңқай кезi, бесiн кезi, екiндi кезi, намаздыгер кезi, намазшам кезi, құптан кезi болады».

2) Саны бар сапасы жоқ дегенге қатысты:

«Сапаға айналмаған сан жеме-жемге келгенде сан болудан қалады».

3) Білмекке ұмтылу:

«Бiлмеген мiн емес, бiлместiкке көнген мiн.»

4) Заң жайында:

«Заң дегеніміз – ноқта». «Заң – мемлекеттің тоғыз қабат, тор көзді сауыты».

5) Кеңес заманын аңсау:

«Әлі күнге дейін кешегі империя етігінің темір өкшесін аңсайтындар бар».

6) Демкоратия және бостандық жайында:

«Демократия - жүгенсіздік емес. Бостандық - жүйесіздік емес».

7). Желтоқсан:

«Желтоқсан» - тек Колбинге ғана қарсылық емес. Бұл - империялық қорлыққа, зорлыққа қарсылық. «Мен - қазақпын!» деп қасқая тұрып айта алмай, тілі байланып, аузы буылған азапқа қарсылық".

8) Рух. Өтірік. Бұ дүние. О дүние:

«Күйреген рухты қайта көтеру - міне, қазіргі тандағы басты мақсат. Қып-қызыл өтірікті көтере беретін осы дүние ғана. О дүниеде оңдай қулық өтпейді».

9) Талант:

«Таланттылар - раушан гүлі сияқты жан-жағына жұпар шашып, көңіл ашады».

10) Кітап оқу:

«Мәдениеттің мәйегі – кітап».

11) Пікірталас:

«Ақиқат - адал айтыстан туады».

12) Елу жас:

«Елу деген - ердің, ерлік істердің жасы.»

13) Арман:

«Орындалған арман - бақыт,
Орындалмаған арман - күйік.»

14) Байлық. Кедейлік:

«Көлдің - тақырға айналуы оңай,
Байдың - пақырға айналуы оңай».

15) Рух. Намыс:

«Рухы мен намысы сөнген ел - өлген ел».
0 пікір