• Ақыл-ойды егінжай десек, әрбір ой сол жерді суарғанмен тең. Жақсы ой ексең — жайқалып бақ шығады, жаман ой ексең — тікенек қаптайды. Не ексең, соны орасың.

• Адам мен адамды ерекшелейтін басты қасиет — оның дүниеге деген түзу көзқарасы.

• Кейде бір шайқаста жол беру — үлкен соғыста қалай жеңіске жетудің әліппесін үйретеді.

• Баршаға бірдей жағуға тырысу — өз тамырыңа балта шабумен тең.

•  Жетістіктің өзінен бұрын, оған деген ішкі құштарлық пен талпыныс маңыздырақ.

• Көзіміз көріп жүрген ұлы істердің барлығы кезінде кіп-кішкентай ойдан басталған.

• Кез келген істі бұдан да жақсырақ атқарудың жолы әрдайым табылады. Соны табу — парасатты жанның міндеті.

• Әдемі сөйлегеннен көрі, жүйелі іс тындырған әлдеқайда артық.

• Ең ұлы бәсеке — өзіңмен болған бәсеке. Кешегіден бүгін, бүгіннен ертең ілгері бассаң — нағыз даму сонда.

• Сәтсіздік үшін өзгелерді немесе тағдырды кінәлау — өз тізгініңді басқаның қолына ұстату. Өз өміріңе өзің жауапты бол.

• Өзіңнен ақылды адамдарды жұмысқа тартып, мақсатқа жетсең — сенің олардан да көреген екеніңнің дәлелі.

• Жұрт "қолыңнан келмейді" деген шыңды бағындыру — өмірдің ең тәтті сәті.

• Адам баласы дағдыдан тыс, жаңа дүниені байқап көрмейінше өсе алмайды.

• Асқақ армандар мен биік мақсаттар бейнетсіз, қиындықсыз орындалмайды.

• Сәттілік — мұқият дайындық пен кездейсоқ келген мүмкіндіктің тоғысқан нүктесі.

• Нағыз шыңға шығушы нысанасына ғана қарайды. Ол төмендегі қауіпке қарап, зейінін шашыратпайды.

• Сәтсіздік — ең жаман нәрсе емес. Нағыз жеңіліс — ештеңе жасап көрмеу, тәуекел етпеу.

kalemtayeb.com сайтынан аударылды.