Сәлеметсіз бе, Марфуға! Ханафи мәзхабы бойынша, жұма намазын оқу парыз емес кісілерге айт намазын оқу да міндет емес.

Пайғамбарымыз (с.а.у.) өзінің бір хадисінде:  «Жұма намазы құл, әйел, жас бала және науқастан өзге мұсылмандарға парыз»[1], - деген. Осы хадисте әйел кісіге жұма намазына барудың парыз еместігі ашық айтылып отыр. Демек, айт намазына да нәзік жандылардың барулары шарт емес. Үйлерінде де айт намазын оқымайды. 

Әйтсе де, мешіттерде арнайы әйелдер үшін намаз оқитын жерлер қарастырылған. Сондықтан да, барам деушілерге шариғи тұрғыда ешқандай әбестік жоқ. Риуаяттарға қарағанда, Пайғамбарымыздың заманында да әйел кісілер айт намазына баратын[2].