Ассаләмуғалейкум! Мен намазханмын. Мен істеп жатқан компанияға жұмыс бабымен жұмсаған ақшаның шот-фактурасын, чегін әкелсең компания ақшаны қайтарып береді. Соған «шот-фактураға» артығымен жазғызып, артығын өзіме алсам бола ма? Рахмет.
|
«Шот-фактураға» артығымен көрсетіп, артығын өзім алсам бола ма?»
|
Уағалейкумуссәләм уә рахматуллаһи уә бәракәтуһ!
Олай істеу «біреудің дүниесін рұқсатсыз жеу» болып есептеледі. Ал Ислам дінінде біреудің дүниесін рұқсатсыз иемдену үлкен күнә. Құран Кәрімде Жаратушы Алла Тағала былай деп бұйырған:
وَلَا تَأْكُلُوا أَمْوَالَكُم بَيْنَكُم بِالْبَاطِلِ
«Бір-бірлеріңнің мал-дүниелеріңді нақақ жолмен жемеңдер!...»1.
Мұсылманның басқа бір аты «адалдық», «шыншылдық» болуы керек. Сондықтан да, факт бойынша жазғызып, өзіңізге тиесіліні ғана алғаныңыз мұсылманшылыққа сай болмақ.
1) Құран Кәрім: «Бақара» сүресі, 188 аят.
Көп оқылғандар
■
Су перілері (русалка) расында бар ма? Исламда ол жайында не айтылған?
■
Әулиелерге «қаддәсаллаһу сирраһу» деп жатады. Оның мағынасы не?
■
«Әмин» деп балаға есім қоюға бола ма?
■
Намаз оқып отырғанда мысығым қолымды тістеп алды. Намазым бұзылды ма?
■
Исламда әйел дәрігер еркек науқастарды қарай ала ма?
