Ассалямуалейкум уа рахматуллахи уа баракатух... Алла тағала ілімдеріңізді арттырсын... Осы дүйсенбі мен бейсенбі күндерінде ораза ұстаудың үкімі қандай? Шариғатта бұлар қандай күндер болып есептеледі? Толық айтып кетсеңіздер... Байжанақов Ахат Төлегенұлы
|
Неге пайғамбарымыз дүйсенбі мен бейсенбі күндері ауыз бекіткен?
|
Уағалейкум ассалам уә рахматуллаһи уә бәракәтуһ!
Аптаның дүйсенбі мен бейсенбі күндері ораза ұстаудың үкімі – сүннет, яғни Мұхаммед пайғамбар ғалейһиссәләмның істеген іс әрекеті. Айша анамыздың айтуы бойынша пайғамбарымыз Мұхаммед ғалейһиссәләм дүйсенбі мен бейсенбі күндері ораза ұстауға аса қатты мән берген[1]. Ал оның себебін Алла елшісінің мына бір хадис шәрифынан түсінуге болады:
Дүйсенбі мен бейсенбі күндері - істеген істер Аллаға ұсынылады. Менің істерім Аллаға көтерілерде аузымның берік болғанын ұнатамын»[2]
- дей келе, осы екі күннің артықшылығын ерекше атап, ол күндері нәпіл ораза ұстаудың маңызын түсіндіріп өткен. Алла Тағала ұстаған оразаларымызды қабыл етсін!
[1] Тирмизи, Саум – №745 хадис.
[2] Тирмизи, Саум – №747 хадис.
Өзекті сұрақтар
■
Хатым Құран түсірер алдын 40 күн Құран оқыту керек деген талап бар ма?
■
Жолаушы кісі имамдыққа шықса, тұрғылықты жамағат қалай оқиды?
■
Неге Құранда қанды нәжіс деп атаған?
■
Жұма күні неге екі рет азан шақырылады?
■
Бала болдырмас үшін ер адамның ұрық шығатын түтігін бітеп тастауға, яғни, "вазэктомия" жасатуға бола ма?
Көп оқылғандар
