Айдони:
Мен бір сұрақ қояйын деген едім: Осы ережеп айының оразасын ұстамай тұрып, өткен жылғы оразадан қалған қарыз оразаны өтеп алу керек пе? . 

- Құрметті сұрақ сұраушы, қаза оразаны өтеудің үкімі - парыз[1]. Ережеп айындағы ораза ұстаудың үкімі - нәпіл. Басқаша айтқанда, міндет емес, сауапты амал. Шариғат үнемі парызды алдыңғы қатарға қояры сөзсіз. Сондықтан да, осы айда қаза оразаларыңызды өтеп алғаныңыз абзалырақ. ИншаАЛЛА, қаза оразаңызды Ережеп айында өтейтін болғандықтан, Жаратушы Иеміз осы айда ораза ұстаған адамға беретін қосымша сауаптан да құр алақан етпес деген үміттеміз. Дегенмен, бұл айда нәпіл ораза ұстаймын десеңіз де оған кедергі жоқ. 

Икон: 
Мен рамазан айындағы қарыз күндерімді өтеген жоқпын. Бірақ, бүгін Ережеп айындағы оразаны ұстап жатырмын. Бұл қалай болады? Бұлай ұстай бергенім дұрыс па, бұрыс па? 

- Қаза оразаның болуы - нәпіл ораза ұстауға кедергі емес деген ойдамыз. Сондықтан да, қазаңыз бола тұра, нәпіл оразаға ниет еткен болсаңыз, иншаАлла, оның ағаттығы жоқ. Ұстаған оразаңыз үшін сауап аласыз (Алла сауаптан жазғай). Дегенмен, осы айды пайдаланып арасында қаза оразаларыңызды да өтеп алған дұрыс. 

Ережеп айының қасиеті жайында мына сілтемеден оқи аласыз: http://islam.kz/kk/articles/islam-jane-qogam/erejep-aiynda-qandai-amaldar-istegen-durys-1774/#gsc.tab=0