Ассәләмуғалейкум! Құптан намазында үтір уәжіпті оқып болғаннан кейн, құптан намазының парызын дұрыс орындалғанына күмән туса, құптан намазын қайта оқығанда үтірді де оқуы керек пе? Абу Ғазиоспан.
|
Үтірді оқып болғаннан кейін құптанның парызын қайта оқыса, үтірді де оқу керек пе?
|
Уағалейкумуссәләм уә рахматуллаһи уә бәракәтуһ!
Сіздің жағдайда құптан намазының парызын қайта оқитын болсаңыз, сүннетін де қайта оқуыңыз керек. Ал, үтір намазын қайта оқымайсыз.
Осы мәселеге ұқсас Ханафи фиқһ кітаптарында мынадай мысал айтылады:
«Әлдекім құптанның парызын оқығаннан кейін дәретін жаңалап келіп, сүннет пен үтірді оқыса, бірақ артынан парызды дәретсіз оқығандығы анықталса, ол адам құптанның парызы мен сүннетін қайта оқиды. Үтірді емес. Өйткені, үтір уәжіп намазы Әбу Ханифаның ойынша, белгілі дәрежеде парыз іспетті (парыз амали саналады). Ал, Әбу Юсуф пен Мұхаммед бойынша, ол кезде ретіне сай үтірді де қайта оқуы тиіс»[1].
[1] Имам Мәрғинәни: «әл-Һидая», «әл-Биная» - 2/600 бет.
Өзекті сұрақтар
■
«Намаз мені тастап кетті» деген сөздің негізі бар ма? Намаз адамды тастай ма?
■
Түйенің зәрін ішудің үкімі қандай?
■
Бием қатты ауырып тұр. Қандай дұға оқыса болады?
■
Бала болдырмас үшін ер адамның ұрық шығатын түтігін бітеп тастауға, яғни, "вазэктомия" жасатуға бола ма?
■
«Фатализм» түсінігі Исламға сай ма?
