«Сәһу сәждесін» орындау барысында дәрет бұзылса, намазды қайта оқи ма?
«Сәһу сәждесін» орындау барысында дәрет бұзылса, намазды қайта оқи ма?
7 жыл бұрын 5194

Сұрайын дегенім, «Саһу саждесін» істеп жатқанда дәрет немесе намаз бұзылып кетсе, намазды қайта басынан оқу міндетті ме? Әлде, оқымай-ақ қойса бола ма? Ануарбек Батырханов

Құрметті Ануарбек, ереже бойынша, сәлем бергеннен соң намазды бұзатын жағдай туындаса, сәһу сәждесін* орындау міндеті түседі[1].  

Сондықтан да, соңғы отырыста «аттахияту» дұғасын оқып, оң жаққа сәлем бергеннен кейін, сәһу сәждесін орындап жатып дәрет бұзылған болса, әрі қарай жалғастырудың қажеті жоқ. Намаз оқылғанға саналады. Қайта оқу қажет емес, сондай-ақ, сәһу сәждесін істеу міндеті де түседі.  

*Сәһу сәждесі - қателік сәждесі деген ұғымда. Намазда кеткен кейбір қателіктер мен кемшіліктерді түзету мақсатында намаз соңында орындалатын әрекет.Үкімі – уәжіп.

Сәһу сәждесі жайында толық мәліметті мына сілтемеден оқи аласыз: http://islam.kz/kk/questions/qulshylyq/namaz/sahu-sajdesi-qai-jagdailarda-jasalady-260/#gsc.tab=0 

[1] Бахрур Раиқ – 2/163 бет; Фәтәуә Татархания – 1/131 бет. 

Абдусамат Қасым