Уағалейкумәссәләм уә рахматуллаһи уә бәракәтуһ!

Ардақты сахабаның олай айтқандығы кітаптарда бар. Және хадис кітаптарында Абдулла ибн Аббастан (р.а.) Пайғамбарымыздың (с.а.у.) мына сөзі де риуаят етіледі: «Дәрет – шыққан нәрсе себепті керек. Кірген нәрсе себепті емес»[1].

Бұл риуаттың түсіндірмесі ретінде Ханафи фиқһ кітаптарында былай делінген:

«Екі жолдан шыққан барлық нәрсе дәретті бұзады (мысалы, зәр, мәни, мәзи т.б.). Одан тыс жерлерден, тек нәжіс боп табылатын нәрселер шықса ғана дәрет бұзылады. Онда да, тазалануды керек еттіретіндей ақса (мысалы, жарақаттан қан не ірің шығып, шетіне ақса, ауыз толы құсса)».

Ендеше, омыраудағы сүт таза боп есептелетіндіктен, әйел адам қанша емізсе де дәреті бұзылмайды.