Кешіріңіздерші, Алла үшін мына бір сұрағыма жауап берсеңіздер екен: Ағам жұмыс таппай жүрді. Кейінірек, кәуап сатушысы ретінде жұмысқа кірді. Бірақ бастықтары кәуапқа шошқаның майын қосатын көрінеді. Ағамыздың тапқан айлығына азық-түлік аламыз. Алынған азық-түлік те харам болып табыла ма? Не істесек болады? Айнур Қ.
|
Харамнан түскен ақшаға алынған азық-түлікті жеуге рұқсат па?
|
Қадірменді Айнур, алдымен мынаны айта кетуіміз керек: мұсылман кісінің біле тұра харам асты сатуы күнә болмақ. Ағаңыз мүмкіндік туып жатса, өзге жұмысқа ауысқаны дұрыс.
Сұрағыңызға келер болсақ, ағаңыздың тапқан ақшасына алынған азық-түлікті ішіп-жеудің күнәсі жоқ. Өйткені, азық-түліктің өзін алып қарағанда адал. Осыған қатысты XVIII-XIX-ғасырларда өмір сүрген, Ханафи мәзхабының атақты фиқһ ғалымы Ибн Ғабидин мынадай тұжырым жасайды:
«Азық-түлікті немесе киім-кешекті жеке алып қарағанда харам ақшаның өзі емес. Сондықтан, сол ақшамен алынған асты жеу – халал...»
[Ибн Абидин, Раддул Мухтар. 9/554 бет.].
Көп оқылғандар
■
Балаға «Ясин» деп ат қоюға бола ма?
■
«Рассрочканы кейбір ұстаздар болады дейді, кейбір ұстаздар болмайды дейді. Қайсысы дұрыс?»
■
"Аттахият" пен "салауатты" оқып үлгермей жатып имам сәлем берсе, не істеу керек?
■
Пайғамбарымыз (с.а.у.) ниқаб тағып, паранжа киюді міндеттеген бе еді?
■
Доңыз етінен жасалған шұжықты кескен пышақты қайта қолдануға бола ма?
