Әлхамдулилләһ. Уассаләту уәссәләму аля Расулилләһ.

Малдың бетіне таңба салу харам. Сахаба Жәбір (р.а.): «Алла елшісі (с.а.у.) беттен ұруды және бетке таңба басуды тыйды» деген. (Тирмизи, «Сүнән»). Басқа хадисте «малдың бетінен ұрғанды және малдың бетіне таңба басқанды лағынеттегенімді естімедіңдер ме?» - деген болатын. (Әбу Дәуід, «Сүнән»).

Алла елшісінің «бетіне таңба баспаңдар» деуінен - малдың өзге ыңғайлы, қатты азапталмайтын жеріне таңба салуға болады дегенді түсінеміз. Өйткені, малға таңба салу қажеттіліктен туындайтын амал, қажетсіз таңба салмаған абзал.