Жезқазған: «Happy cake» кондитерлік өнімдері сертификатталды 

Ұлытау облысы, Жезқазған қаласындағы «Happy cake» кондитерлік өнімдері «QMDB Halal» сертификатына ие болды.

«Халал Даму» мамандары жүргізген тексеріс нәтижесінде аталмыш кондитерлік өнімдер «Халал өнімдерді өндіруге, дайындауға, сақтауға, тасымалдауға және сатуға қойылатын жалпы талаптар» стандартына сай танылды. 

Тексерістің оң нәтижесінен кейін, Жезқазған қаласындағы «Jez Cake» кәсіпорнына халал сертификаты табысталып, жергілікті имам кәсіпкерге халал өнімдерді дамытуға қосқан үлесіне алғысын білдірді.

Жезқазғандағы «Happy Cake» өнімдеріне берілген сертификаттың жарамдылық мерзімі:  03.98.2022~02.08.2023 ж

Алматы: «Dami» дәмханасы сертификатталды 

Алматы қаласындағы «Dami» дәмханасы «QMDB Halal» сертификатына ие болды. Аталған дәмхана өнімдері «Қоғамдық тамақтандыру қызметтері» халал стандарты талаптарына сай сертификатталды.

«Өңіріміздегі халал дәмханалар саны күн санап артуда. Барлық дәмханаларда ай сайын тұрақты түрде аудит шаралары жүргізіліп тұрады. Бүгін сертификаттаудан өткен «Dami» дәмханасының да ас әзірлеуде қолданатын шикізаттары мен тағамдық шоспалары, өзге де өнімдері,  өндіріс аумағы тексерілді. Халал стандарты талаптары толық орындалғаннан кейін ғана, сертификат табысталды. «Dami» дәмханасының ұсынар асы адал, жұмыстары берекелі болғай», – дейді жергілікті өкіл Маратхан Мұхтарханұлы.

«Dami» дәмханасының мекен жайы: Алматы қаласы,  Розыбакиев көшесі,  153А.